NDLOHOM, CLONGOBAN NDELENG KAHANAN SIKI

ANA SING ORA PETHA BANGET JERE JAMAN SIKI KEPENAK

Kepenak mangsude kepriwe ? Kepenak apane ? Apa rika clamit njaluki dhuwit utawa proyek kerjaan terus didumi gratisan apa deneng kepenak ? Wong sing krasa kepenak biasane ya wong sing ora tau ngrasakena kangelane wong cilik kaya penginyongan padha - nuwun sewu angger nang antarane panjenengan sing maca tulisanku udu wong cilik tapi priyayi gung, malah kepara gung binathoro - udu nyalahena pemerintah, pemerintah wis kerja tapi urung ana hasil sing kaya dikepenginena nang rayate. Kritik utawa aweh pinemu apa ulih ? Ya ulih-ulih baen, tapi jere angger salah ngguli aweh bisa-bisa diarani hate speech - mrina meng pemrentah salah siji contone - undang-undang ITE Indonesia pancen jan undang-undang sing unik tur ora nana tunggale. Siji Thil nang Indonesia thok, seblindhi tapi jan pasal-pasale medeni, aja gemlawik meng undang-undang kiye dulur. Dadi angger gawe tulisan nang aring dunya maya ya kudu sing ngati-ati aja nganti kesanggret utawa gondhetan karo UU ITE kiye, bisa mlebu penjara panjenengan padha. Tumrapku, jaman siki ya lewih ora kepenak dibanding jaman gemiyen - mergane aku nggolet pangan dhewek angger gemiyen kur gari njaluk nyadhong meng wong atuwaku sih -  salah sijine ya bener kuwe, umurku ya esih enom gemiyen, tanggung jawabku ya esih entheng. Tapi angger jaman siki, wis kenang lara krisis kawit taun 1998 koh ya krasane urung bregas. Urung waras bedhigas. Esih kadang angot larane, ya senajan ora patia lara banget kaya taun 1998. Tapi angger ana wong sing ngomong siki jaman apa-apa kepenak, rega-rega ketuku, beras selawuhe, janganan sebumbune sebothekan bek mencep, kebutuhan pedangan selengkape, murah meriah gawe bungah, TDL ya ajeg, kawit jaman bahola ra tau diundhak-undhakena, malah jere padha takon kapan TDL mundhak ? BBM jere ya aman terkendali ra tau mundhak kawit kuna meng kuna, ana sing takon kapan BBM bisa padha larange karo nang Singgapur. Aku kur ndlohom thok dulur.... ket mau kiye wong ngecebres apa agi nglindur apa kesambet. Nyong ra ngecebres masalah Covid19 ya Lur, moga-moga baen pemrentah gageyan bisa mrantasi gawe, di binte si Covid19 ngantek nglepese. Melasi lah meng penginyongan nek urasan Covid19 kedlarung-dlarung. Aja kelalen kuwe pendongane penjenangan padhe meng pemrentah ya Lur.

PENDIDIKAN SING ANGEL TUR DINGEL NGEL

Aja padha tersinggung utawa jengkel ngantek mbanting meja ya dulur .... enyong kur rasan bab kahanan pendidikan go anake enyong lan panjenengan padha. Jajal sing esih duwe putra utawa putri sing esih padha sekolah ... (ana sing nylethuk "piye kabare enak jamanku to ?"), wis dinei KIP wis dinei macem-macem kertu, tapi kepriwe ngguli ndhuwitena kuwe ora nana dalane, ana KIP ya kur disak thok nang bocahku, ora tau didhuwitena. Apa fungsine KIP kur disaki thok lur ? Jajal angger ana penyuluhan sekang pihak pemrentah, KIP kuwe jere go mbantu wong sing kurang mampu - mampu dibantu be gelem apa maning wong sing ora mampu, ya jane genah go ndel-ndel lah - tapi kasunyatane jan wis telung taun duwe KIP urung seperak-peraka. Apa udu rejekine anakku apa aku sing salah ngguli ngurus.....

Mangsude pendidikan siki angel kuwe ya arep mlebu sekolah yang angel ngguli mlebu kudu NEM sing dhuwur, dhaktar ulang sing larang, SPP sing urung gratis, lan liya liyane, angger wis angel-angel ketampa apa anake dhewek wis ayem ? Urung pelajarane ora memper rumit, angel, tur akeh PR - pekerjaan rumah - sing maraih bocah ora lali turu, pelajarane angel tapi miturut aku ora kabeh pelajaran mau kanggonggawe nang uripe bocah ngembene. Mlebu angel, pelajarane angel, biayane angel nah embok lah angger bar sekolah anake dhewek terus kepenak. Ora dulur.... bar sekolah padha kangelan, padha mumet nggoleti gaweyan. Jane sing salah bocaeh dhewek apa sapa sih ? Jelas kurikulum lan pemrentah sing kudu nggawe dalan padhange, ora mbundhet pating krawil kaya siki. Serbane ruwed, serbane angel, serbane karidun lan kapiran. Wis angel tur di ngel ngel, apa bener ? Panjenengan padha ra usah nuduh wong utawa sapa sapa, rasakena dhewek apa iya kahanane kaya kuwe.

 

SOLUSI UTAWA KEPRIGEN CARANE

Solusi jelas sekang pemrentah, dinas pendidikan lan para guru. Kurikulum - apa sih basa banyumasane ya pokoke aturan go ndhidhik bocah karo ubarampene lah - kudu diganti sing apik ra usah keruweden, Sing gampang baen,ora usah pating krawed kaya kurikulum siki, sing migunani baen, sing kira-kira kanggonggawe go sangu bocah nang uripe ngemben. Tapi kadhang nggawe sing beda senajan lewih apik akeh godha lan rencana ne, ana baen sing ora rila, ana baen sing nggresula, ana baen sing wis cocog karo kahanan sing tumrape wong umum nyengsarakena bocah sekolah. Angger usulanku sih gampang baen, angger arep mlebu meng tingkat ndhuwure ngganggo TES tertulis baen - udu pilihan gandha apa maning B-S - pelajarane ditambah pelajaran akhlak lan kepribadian, jam pelajaran agama ditambah, sejarah kudu dilurusena PSPB jaman gemiyen lumayan, angger wis kelas 10 kudune wis penjurusan - ora ngambang kaya siki, bocah wis tuwa umur 17 taun urung ngerti arep dadi apa - buang pelajaran sing abot-abot akehena praktek nang lapangan. Rangking ana tapi siji tekan telu baen, nei hadiah sebab ora kabeh bocah kuwe rangking siji tekan telu. Ora bener nek ana sing ngomong semua adalah bintang, ora bener kuwe. Sing bener dadekena kabeh murid kuwe bocah sing pinter, sukur-sukur dadi bintang kelas. Program beasiswa go bocah bintang kelas sing anake wong ora nduwe ya perlu. Ujarku sih ngantek mahasiswa ana sing mragadi ngantek rampung, enggane engko bocah kon nyarutang ya ra masalah, angger bocaeh tamat kuliah tur wis nyambut gawe kan gampang gari dicicil utawa nek gajieh akeh ya kon langsung lunas baen kan ra masalah.

Kayane kuwe thok sing bisa tek tulis mangsudku ra ana rasa drengki, iri lan sengit meng sapa-sapa - DepDikBud lan sepenunggalane  - kur kiye iguh sekang nyong mbok menawa bisa dadi urun rembug go dunia pendidikan Indonesia, ya seora-orane mbok menawa penggedhe-penggedhe pada mirsani rasane dadi wong cilik sing nyekolahena anake senajan karo dhuwit mung-mungan.

 

Matur nuwun, kelilan Lur ..

Baca Selengkapnya »

PINDHAH KERJA

 PINDHAH KERJA NANG NGGON SING LEWIH SEPI

Jane angger ngomongi betah apa ora ya angel ngguli nerangena, maune ngguli kerja mandan sibuk, terus mandan akeh pelanggan sing teka. Tapi siki jan, amper saben ndina kur internetan, dolalan seperlune lan akeh kegiatan sing angger dipikir ya maraih bosen. Tapi ngemuti duwe anak bojo, ra ulih utawa era ilok kon nggresula, alon-alon asal kelakon gremet-gremet asal slamet, kaya kuwe mbok kang? Jenengane trukah ya pancen urung akeh sing padha kenal, urung akeh sing padhe ngerteni. Kayane udu kur enyong thok sing ngrasakena angger trukah ya mesthi mandan sepi dagangane. Nek wis tek etung-etung nyong ya rumangsa mandan tenggun, sebabe akeh wong sing kaya penginyongan padha bangkrut tempat kerjane, sebab lan mergane akeh, tapi jerene sih anu ekonomi lesu apa kebijakan pemerintah sing ora nggandra maning digo njangglengena saka-cagak ekonomine. Ya pancen sih enyong ra ngerti banget masalah kuwe, tapi nek dipenggalih lan dirasakena pancen krasa lho. Angel pancen nek ra mbahas pulitik, apa merga nyong kang daerah Ngapak yah, sing wis ket jaman gemiyen kuna dadi palagan pulitik? Sebab pindhaeh nyong ya merga pulitik koh, Maret 2020 ada KOPID Songolas sing maraih kabeh-kabeh dadi rebyeg, wuled, wangkot, tur mbandakalani. Lengkap lah, jane nek dipikir KOPID19 kuwe ya ora medeni banget kaya sing nang media masa lah, lha nang nggonku kerja langka wong pating ngglethak utawa pating keleler kaya babadan pacing nggleseh ora koh. Sing akeh sing pada seda kuwe merga duwe prenyakit gawan. Jeneng prenyakit gawane ya sing medeni-medeni lah : gula, paru-paru, jantung, kolesterol lan sepenunggalane. Sing maraih getun jane ya wis kahanan kaya kiye, tur langka iguh pertikel karo jig sing cetha. Kabeh ngambang maraih kewula kaya penginyongan maras samben ndinane. Basa melayune "Tanpa Kepastian", lha mbok sing jenengane madhang, nginum, nyuled lampu listrik ya kudu mesthi, sing duwe honda ya kudu nginumi hondane mbok? terus masalaheh apa? Kabeh padha munggah regane, ana TDL, BBM, BPJS ya melu-melu. Di nei bantuan KOPID19 kur telung wulan, ya agi ra ngilang-ilangena, tapi ya kuwe mau, apa keluwargaku kur urip karo sekabehane kur go telung wulan? Ora mbok? Apa butuh-butuh liyane ra mundhak ? Kanjat.

ALHAMDULILLAH ESIH DUWE GAWEYAN

Lumangyan thok lah nek nyong esih kerja, bisa go bayaran sekolah anak wadon, lan go tuku pulsa anak lanang sing agi kuliah sekang ngumah apa istilaeh Daring. Kur agi gumun nyong, masalah bocah sing padha sekolah on-len ra tau teka meng sekolahan, ujarku gratis ra mbayar, jebulane kudu mbayar genep ra di elong babar pisan. Melasi wong sing padha kenang PHK - putus hubungan kerja - jane lho nek go bayaran sekolah ora dikurangi babar pisan, kaya ngapa rasane yah, ya moga-moga pihak sekolahan sing padha aris lah, tepa slira sawetara ngantek kahanan bregas maning. Embuh sih nek sekolah negeri, anakku sekolah nang luar negeri sih alias swasta. Senajan ketone nggresula nyong ra ana mangsud kaya kuwe, kur go gendhu-gendhu rasa thok lah, mbok ana sing ngalami kaya enyong kiye. Kur kadaran nyog sing esih paal ya sethithik akeh duwe penguripan sing tetep ben kaya kiye rasane. Sepisan maning kiye udu nggresula, agi tepak awak dhewek lah.

PINEMUKU

Sing jenengane pinemu kuwe kur sederma iguh lan urun rembug. Mbok menawa ana cocoge utawa ana kanggpnggawene. Dulur-dulur sing pada kenang PHK ya aja nganti mutung kudu tetep sabar, ngenteni nyambi usaha paringan rejeki sekang Gusti Allah Ta'alaa. Usaha sing paling kepenak tur mungkin ya sing kira-kira modhal cilik tapine gangsar utawa lancar. Dagang, nek nang ndesa ya gaweyan kudu aja pilah pilih, sregep tur apa baen gelem, sing penting halal. Merga apa-apa nek halal kuwe nggawa berkah. Apa-apa sing berkah kuwe nggawa kecukupan lan dadi sarwa becik. Contone panganan nek sing halal tur berkah kuwe di empakena meng anak bojo ya anteb, anak bojone sehat tur pada manut-manut, ora mbajuk apa maning wani meng bojo utawa meng wong tuwane, ngguli sekolah biasane ya ra keri karo batir-batire. Jane mangsud pinemuku kur dulur kabeh sing padha lewih dhepe-dhepe meng Gusti Allah SWT, terus manut miturut dhawuh Nabi Muhammad SAW. Terus dongakena pemrentah siki men amanah lan bener ngguli ngayomi, ngropeya lan nyukupi rayate. 

Kayane cukup tulisan kiye lho, kapan-kapan sambung maning, insya allah

Kelilan Lur .. 

Baca Selengkapnya »

DOLANAN JAMAN GEMIYEN LEWIH SEHAT LAN AKEH GUNANE

NEGARA AJA DI JOR ENA BAEN, KUDU ANA SING MIKIRENA, KUDU TANGI, ELING.

Enyong pancen termasuke wong sing mandan seneng ngojel, crewed, dhemen aruh-aruh meng wong liya sing ketone enyong kuwe ora cocog, utawa ora sreg nang njerone atiku. Ora kur sepisan aku protes meng wong sing "nyrewoto" ( nrobos) antrian, utawa giliran. Thok melong baen nyong ngguli ngomong," Lur, gentenan lah aja nyrewoto kaya kuwe, nyong karo batire padha ya wis nunggoni ket mau, malah rika ora idhep ora weruh ijig-ijig /dhog-dhog malah terus ngusel meng ngarep". Utawa ngomongi kahanan pemrentah sing agi mimpin dhewek siki. Angger tumrapku sih, urung kasil 100 persen lah, esih akeh sing kudu dibenerena, esih akeh sing onjo, esih akeh sing ora singgem - ibarat dhanyang nang saka umah kuwe "mringis" anu urung pas ngguli masang dhanyange - esih urung krasa ayem dulur-dulurku sing padha dadi wong tani, esih pada kangelen ngguli urip go dulur-dulurku sing esih kerjane srabutan, esih urung mukti wong-wong sing wis pengsiun, urung padha gratis ngguli nyekolahena bocah, lan liya-liyane. Brongkos keong nilai pemrentah siki rapote esih abang lah. Cokan ana sing nylethuk - angger iwak ya ngglumer utawa nenggak - ORA SUSAH NGURUSI NEGARA, WARANG WURUNGE LAMBANG SARI KENYOL.(nggolet pangan dhewek-dhewek). Ora usah ngomong utawa mbahas negara kadaran ana sing ngurusi ikih. Nenggak janji mengab kuwe wong sing ngomong kaya kuwe. Angger negarane wis bagus, angger negarane wis adil hukume, angger negara wis beres lan rapi, PANCEN ora perlu diomongena, apamaning dirasani - di enyek, di hujat, di paido lsp - tapi angger negara esih abang rapote apa ya patut dhewek meneng baen ? Angger tingkah polaeh para pengemban amanah ora marakean DOMPETE ENYONG KEPET sih ra papa, lha ibarate merga tingkah polah, sepak terjange wong-wong sing dibruki amanah terus ora bisa di endel ena, apa ya arep meneng baen ? Angger nyong sih gampang baen, ya ngonoh rika arep meneng baen, wong rika ra nyekolahena bocah, rika wis perek pacule, utawa rika micek merga saking tresnane meng pemimpin - mengidolakan pemimpin - ngantek rika kur mangan pon kliwon ben krasane mangan nang lestoran aben ndinane. Terus terang kuwe urusane rika. Sing lewih mringgani jane angger wong liya utawa bangsa liya sing MIKIRENA negara lan lemah pertiwine Indonesia, aliase di iker-iker, di iguh, di akali men Indonesia bisa kejajah maning tapi ora usah karo perang. Ora usah karo senjata, kadar wis padha ora gelem NGROPEYA ni negara ne dhewek ikih. Tek sigeg ngguli ngomongi negara lan pemrentah, kapan-kapan sambung maning.

DOLANAN BOCAH GEMIYEN KARO SIKI PANCEN BEDA BANGET.

Angger njenengan lair sekitar taun 80 an, mesthi menangi sing diarani Jonjangan, Gelut-gelutan (Cimenengan, Cireyangan, Sotho, Bantingan, Binte) Blodor (Gobak slodor), Nganggo Umbul (Leketean, Bandaran, Umbul), Sirgug, Sundha mandha, Gampratan, Thithik Glathik, Ngango Dhir (Lowokan, Guyeran,Unclang buron),  Panggalan (Tujon, Kraton, Jed, Tan-tan Goletan,), Nembang Sekar goyang, Topeng waru, Cuwek angge-angge, Lepetan,Ular naga,Cici Kuwaci, Thung-thung balung, Cikalan Kadhalan, Capean,  Jonjang Jiroma, Jonjang Acak icik, Jonjang Umpet, Dara-daraan, Jago-jagoan Karo suket,  Kuwe sing aku kemutan sing biasane digo dolanan angger bocah-bocah agi padha prei ngguli sekolah, Layangan, uthit karo karet, icrot karo klungsu utawa wiji joar, utawa karo kecik, gathengan, congklak/dhakon, damon karet, gambulan, lencengan, damdaman, dolanan sada (paculan ?), loncat tinggi, slentringan, kasti. Esih akeh maning, angger sing cokan digawe biasane urek-urek patise nggawe dhewek sekang kawat bekas ban mobil, karo rapiah ngguli njiret karo jiretan kembang nggodha, mathet gawe dhewek patise sekang rim pit si dijiret karo lamat wit gedhang walesane karo sada, angger gawe pancing (biasa karo kerekan)  aja sepisan-pisan walesane digawe sekang bekas kasur raga - ana sing percaya jere medeni utawa mbilaeni, jere sih, nyatane tetep baen ana sing njikot pring bekas kasur raga go gawe walesan -, plintheng (angger wong eloran ngomonge terpilan), ngguli gawe biasane kang wit tehtehan sing cawang, utawa gawe karo blabag, terus kalepe angger kang sepatu kulit jan maherel pisan kuwe, ngguli njiret kalep karo inis (serat tepes klapa), angger karete kadhang kang ban pit sing wis bocor digunting dawane kurang lewih setengah meteran, utawa kang pentil pit (sing warna kuning emas lewih mantep dharipadha sing warna abang) angger plurune karo krikil sing bunder tur gilig, angger sasarane jambu thokal, dhondhong, pelem, jambu wer, manuk, kampret, kadhang gendhenge tanggane ya diplinthengi, tulup (ana sing didamu biasane isine angger ra lempung ya mrica utawa kandri, utawa wiji tehtehan landa, angger sing ana ondlope biasane isine nek ra isi kandri ya kertas sing dikum disit), tapi paling asik angger perang tulup - lurugan karo kulon kali ya tau, karo Dowan, Kuseri, Yadi, Andri, Teguh, angger balaku ya biasa Kenthus, Bawor, Nono, Tugiyo, Uwa Tung, kadhang Gramang ya melu. Terus ketrampilan gemiyen bisa gawe kupat (tembelek, kepel, luwar, kodhok, slamet, jago, bata, manuk, pasar, bawang, tumpeng), dromenan, tuturutu, blakutak ondel-ondel, keris-kerisan, pecut, panah-panahan (kambi karet ngguli manah) , pranji, bumbung, mobil-mobilan sekang pring,thingthong thingbreng, kenthong, egrang (pring, utawa bathok), telpun-telpunan (kaleng utawa pring), orek-orekan (angger nang pring di wei menyan men suarane seru), kitiran (janur bisa kertas utawa pring), othok-othok (kaleng susu indhomelek utawa pring), prau-prauan, gethekan, gawe samber (sejenis seser tapi go ndimek melem, Dirin pinter banget nganame). Lan sepenunggalane kuwe sing aku kemutan. Tek pet sekang dolanan sing akeh banget kuwe ana pelajaran sing penting. Siji, ora tau bocah gemiyen angger dolanan apa-apa DHEWEKAN (soliter/isolir/ra ana batire), kan ora lucu angger jonjangan umpetan dhewekan, sapa sing masang, sapa sing lithong lan sapa sing nggoleti ? Kabeh dolanan bocah gemiyen kuwe istilah siki SOSIAL utawa bermasyarakat, karo kanca batir, maraih guyub rukun, anggera gelut paling ya sedhela wawuhan maning, jarang angger satru (ora wawuh/jengkelan) ngantek minggon-minggon, angger bocah sing dhemen satru langka batire, ora kepenak banget lho. Dadi dolanan gemiyen pancen wis ana tujuan go blajar urip nang lingkungan masyarakat, lha aturane ya jelas, ora ulih curang, ora ulih nglomboni, ora ulih ethok-ethok kalah, menang (ulih bintang angger sundhamanda, dadi ratu angger kraton,) wis jelas kalah ya wis jelas - mblugek angger dhir-dhiran, mil angger uthit utawa paculan, rampes angger sirgug), nyerah - utawa tobat (angger cimenengan, cireyangan), bacin (angger bedhekan/capeyan), dadi poh/bol angger panggalan, masang angger jonjangan, hong angger kasti utawa blodor, - ya wis jelas. Angger duwe batir senajan kur sethithik orang ngantek atusan apa maning ewon - kaya batire bocah siki nang fesbuk, twitter, whatsapp lan liyane - tapi batir sing nyata, bisa go omong-omongan langsung, bisa go brayan, bisa go diskusi, bis dijaluki tulung, bisa satru utawa wawuhan langsung. Sing ke loro ora meneng baen - rogeh, aktif, ndlidhig, rame, reyang, aktif, kringeten, kreatif, - dadi jere MOTORIK mlaku kabeh, PIKIRAN ya mlaku, EMOSI ya di enggo, EMPATI ya di enggo. Dadi dolanan gemiyen pancen digawe nang wong sing ikhlas, wong sing wasis,wong sing waskito, udu baen-baen. Beda sing paling nyata karo dolanan bocah siki ya kowe. Angger nang basa melayune dolanan bocah gemiyen kuwe aktfi-kreatif-sosial (nganggo otote, nganggo uteke, nganggo atine), beda banget karo bocah siki ngguli dolanan, angger aku ngarani pasif-apatis-soliter (meneng baen otote paling mata, jriji karo kuping, pikirane kreatif tapi digondheng nang teknologi - maya, mesin kasar, bisa curang , ora nganggo uteke go mikir sing nyata, dhewekan nang kamar, utawa bareng-bareng tapi dhewek-dhewek). Go prengetan maning bocah siki wis ngguli dolanan kaya kae ditambah maning akeh PR sekang sekolahan. Abot sanggane dadi bocah siki pancen. Dijajah kawit urung lair nang teknologi, batir ngantek ewon - tapi batir maya.ora nyata sing ora ngerti kahanan atine lan nggresulane atine, lha kadhang mbuh wonge sapa - kesekten nang permainan HP/Komputer wis dadi jendral apa malah dewa, tapi kenyataan nang asline, kon nggosoki baen urung bisa, bisa ngomong ngantek kaya crocokan, tapi nyatane anu nganggo google terjemahan. Karuan ora kabeh bocah kaya kuwe, enyong ya ra srambah uyah lah, tapi angger dideleng-deleng sekang akeh-akeh eh ya jelas kaya kuwe. Gadget pancen wis njajah anake dhewek jaman siki. Wong tuwane ya padha di jajah nang Tivi. Angger ngrasani wong sih gampang, tapi jajal di deleng meng awake dhewek kaya kuwe apa ora anake rika padha ? 

TERUS KEPRIWEN SIKI

Angger aku kur aweh pinemu, mbok menawa ana iguh, ana inel utawa ekrel go nggubeg tatu, utawa go nyudhat wudun sing wis keton parah kuwe. Gadget ya jelas penting tumrap wong siki, tapi duwe kanca batir sing asli/udu nang dunya maya, ya kudu akeh lah sing apik - pilih-pilih lah aja sembarangan nggolet batir, apa maning batir sing perek utawa bala - terus wong tuwa kudu njaga, ngawasi, lan mbatesi bocah ngguli nganggo gadget, contoni ngguli brayan nang masyarakat, tata krama, unggah ungguh, suba sita, andhap asor - ora sombong - lan hal-hal sing bener tilasane luhure dhewek sing jane pancen adi luhung lan edi peni. Terus watesi wong tuwa ngguli nonton Tivi uga bocah ya kon melu dhewek angger wis dicontoni tuli gampang. Anger jarkoni lha malah anake rika lewih ndatuk ngguli nonton sinetron, lewih ngeyip ngguli fesbukan, mbingsrung angger kon padha sinau, mbeler angger kon padha sholat. Terus ora nana salahe angger samben taun nang sekolahan dilebokena "permainan jadul", dolanan sing edukatif jaman gemiyen, Angger pikiran/mental wis dijajah, terus ngrasa mindher, terus ngrasa lewih asor sekang bangsa liyane, pancen bangsane dhewek mesthi dadi bangsa kuli, angger bangsa kuli esih mendhingan angger dadi bangsa tukang ngemis ? Pemrentah kudune wis mikirena kapan sekolah TK tekan Perguruan tinggi ora mbayar. PAUD tekan MAHASISWA ra mbayar. Sekurang-kurange esih ana nyong lan rika sing wis ngerti kahanan sing MRINGGANI tur MARASI seora-orane rika padha ngomongi anake dhewek-dhewek. Apa gampang ? KANJAT, nggo ndandani wit pring sing mbengkong ora bisa angger wis udu bung maning, wis kebanjur tapi urung telat, esih bisa asal rika padha gelem waspada, gelem maca kahanan, gelem iqro, kahanan kiye kira-kira go gawe mulyane anak putune dhewek apa go njongkongena tunas bangsa meng jurang kehancuran peradaban ? Mikir lan mangga dipenggalih, sethithik pengeling-eling sekang nyong mbok menawa bisa dadi angen-angen, bisa dadi iguh pertikel go nylametena generasi enom sing bakal dadi pemimpin dan supir sekang bangsa lan negara Indonesia ngembene. Matur nuwun. Kelilan.

Baca Selengkapnya »

BASA BANYUMASAN NANG JAMAN DIGITAL

WIS SUWE MAYENG-MAYENG BAEN, WARA WIRI MBANYUMAS - NDHEPOK

Jaman aganu urung ana WA (whatsapp) sing maraih wong padha bisa dopokan karo batire mung nganggo jenthik diuwel-uwel ngantek mringkel ngguli nulis. Tapi pancene ya kudu ana internete lah,.... sing lewih medeni maning kudu ana kuotane. Ana ana baen pancen, tapi gelem ora gelem ya kudu melu. Angger ora melu-melu WA an ketone koh kerinjaman temen yah? Kuwe tumrape wong sing ngaku-ngaku ora gagap teknologi - alias angger ana teknologi infromasi sing anyar ora kamithotholen - angger gaptek kuwe genah kamithotholen angger nyekel telepon pinter - smartphone - ya minimal kamitenggengen disit lah, terus nlithik, biasane ora nganggo layar sentuh - mung di usap thok,utawa di thithik nganggo jriji langsung gelem mlaku utawa gelem nelpon koh - maune angger kepengin nelpon ana sing disebut interlokal,  larang tur ora nana sinyale - ana sing ngomong kae si mbah mijan jere angger tuku pulsa telpon karo sinyale sisan, men ora nggoleti sinyal maning - lha angger ana bakul sinyal sih mandan tenggun, ana ben ora koh.  Nah teknologi WA kuwe wis ora susah nganggo interlokal-interlokalan, kur gari tukokena paketan WA ne - sarate ana sinyal lho ya - wis gampang mlempang angger kur dopokan, tapi maene maning angger kepengin "rubungan" nang alam maya kana, kuwe mpeyan padha gawe sing jenengane "grup", nah angger nang grup kuwe kan ana kamituwane - admin - kuwe sing ngurusi sapa sing ndhaktar dadi anggota grup. Angger wis padha ndhaktar gari padha dopokan, malah kaki suta ngantek sewengi med, ngguli WA an karo kanca batire sing padha nang paran. Ujarku ana sing mandan nyleneh sekang kanca batire dhewek sing sekang banyumas  - wong mbangsa lan tapis wiringe - kuwe angger WA an ya karo basa mendhowan baen. Ana paribasan jere angger ora ngapak ora kepenak, Kuwe pancen jan nyata temenan koh. Mayuh padha WA an tapi nganggo basa banyumasan baen, angger ndopok utawa gendhu-gendhu rasa karo wong sing lewih sepuh dhongane ya nganggo basa krama. Apa malah wis padha kelalen basa krama njenengan kabeh ? Angger angkatane utawa brayananku kaya-kayane ya esih padha bisa lah angger kur ngomong krama utawane krama inggil. 

BASA BANYUMAS AJA NGANTI ILANG DHONGENE

Enyong pancen mranto ket bujangan tekan siki urung rampung-rampung, urung mandhiri dulur... genah koh. Sing mandan mendhing jane merga keluwargaku - bojo anak mertuwa - kabeh menggon nang mBanyumas, dadi senajan aku mranto wis sekang kuna mekuna - kepara 20 taunan - aku tetep baen ngeslem ngguli ngomong banyumasan. Nganggo basa melayu a ya tetep logat utawa cengkoke banyumasan, wanteg pendheken, wanteg apa wangkot ? Ya kurang lewih kaya kuwe lah... sing jelas kacang ra kelalen meng kulite, utawa manuk ora kelalen meng susuhe. Senajan wis mranto metaun-taun esih sipil angger kur ngecebres basa banyumasan. Enyong duwe pinemu, angger kadang sedulur, kanca batir padha mupakat, khususe go wong sing mranto tur duwe dalem nang luwar Mbanyumas - sing basa utawa ngomonge ora padha karo luhure dhewek - usahakena putra-putrine panjenengan padha diwarahi basa banyumasan. Angger dheweke bali meng nggone mbaeh, utawa lilike, utawa uwane, pokoke angger dulure ngomong ora kur metonggo sebabe ora nyandhak lan ora mangsud sing diomongena. Tapi angger nang njenengan padha diwarahi, mesthine ya tenggun ora faseah banget ya mandan ngerti sing diomongena. Angger diwadani, dirasani, diomeih seora-orane ngerti utawa nyandhak lah...

MENDHOWAN

Ngomong nggone dhewek ora nana liya ya kudu ngomongena mendhowan. Rasanye original, mbleketaket lengane, klenyis tur maregi, Aja kakehen sih bisa aseb. Ngomong mendhowan sedhela ya lur. Mendhowan nang tapis wiringe banyumas rasane jan ngeterani banget, beda karo nang nggon liya, arepa sing gawe penginyongan tapi angger tempene ra sekang nggone dhewek tetep ana sing kurang rasane. Mendhowan nang nDhepok akeh, tapi rasane era klenyis, era buket, era nylekamin kaya mendhowan sing nang ngumah mBanyumas kana, mendhowan banyumas ra memper enake koh...

Jaman gemiyen ana wong ngarah gadhung, orang ngerti carane ngguli masak, bar dibedhul, terus dioceti, diiris-iris, terus dikumbah langsung didang. Mateng dipangan ya enak, kinel-kinel mandan ayid-ayid kaya kae lah.... tham them entong sepiring,.... arep nambah tanduk koh malah gleyeran whara.... ya jelas lah mendem, gadhung kuwe ana racun sianida - HCn - nah wis ngerti mendem suwe-suwe nyel nyelan terus gumoh,... tambane jan yakin dulur, nganggo mendhowan. Siji baen utawa loro be cukup. Angger kakehen malah engko mendem oplosan - gadhung dioplos mendhowan - tapi pancen mari angger mendem gadhung ditambani mendhowan. Tapi aja dijajal ya... wong siki gadhunge ora lombo-lombo kaya jaman gemiyen, gadhung siki wis kelebu gadhung millenium. Kayane racune ya lewih mandi tur mbilaeni.

Mumpung agi ngomong gadhung,.... jane luhure dhewek pancen wis canggih utawa lantip pisan masalah nambarena racun sianida - upas gadhung - nganggone apa jajal ? Ya bener nganggo "awu", awu pawon kuwe kan akeh-akehe sekang repekan kayu, dibakar dadi awu basa kimiane jebule "Carbon (C)" salah siji go gawe tambar meng upas gadhung basa kimiane HCn - asam sianida -. Critane kaya kiye; angger tes met gadhung, didhukir aja nganti padha kecowas, angger godhonge wis padha soklat rupane - murang - kuwe tandhane gadhung wis bisa dipet. Bar dibedhuli diwadhaih kandhi, utawa kranjang, angger sethithik rinjing ya cukup angger akeh nganggo gejobong - tapi apa ana sing kuwat ngenyet gadhung segejobong dhewekan ? - wong gemiyen pinter, ya gotongan nganggo salang mbatan kaya kuwe mbok ? - tekan ngumah dioceti nganggo peso, diris kulite sing brudhug ana oyode, warnane krem, angger daging gadhunge warnane kuning semu putih, ambune nggawe mendem, angger kenang kulit jan lumayan gatel. Wis dirisi tipis-tipis, terus diwei utawa diuwur-uwuri awu, mbanjur dilebokena meng bokor, diulet ngantek wrata, warnane dadi klawu, terus di pe, sedina angger panase njepret ya wis cukup. Bar di pe angger wis mandan kemlethik, terus dikum biasane sewengi ya cukup, esuk-esuk digombang kambi banyu ngantek keton putih banget, awune wis ora nana sing nemplek nang irisan-irasan gadhunge. Nah sekang kene bisa langsung didang sebagian dipangan dicampuri ampas karo uyah, anget anget jan, nylekamin tapi mandan keas-keas kepriwe lah... tapi jelas mantep langka siki dangan gadhung. Sing keloro bar di dang ora dipangan tapi di pe maning, di pe ngantek garing thinthing, terus bar kuwe digoreng ya bisa, disangan ya bisa. Sing ketelu bar digombang karo banyu wis bersih tur putih gadhunge dipe maning, angger wis garing thinthing nembe di goreng. Rasane gawe seret nang gulu angger kakehen sih, tapi tetep gurih lan empuk, kapes-kapes kaya kaelah... angger sing didang dingin sing rasane kemriyik, angger sing mandan bantat malah kemlethik pisan koh... Seclewik crita panganan langka ya kuwe gadhung, sing ana upas racune tapi nang luhure dhewek ditambarena nganggo awu. Ilmiah, Asam dinei Carbon dadine Garam, garam padha nemplek nang awu, awune digombang - dikumbah banyu - berarti garam mau wis ora nana, padha katut banyu gombangan. Pinter, ora kakeh ekrel tur nyata pancen wong gemiyen.

TEMBUNG BANYUMAS ANGGER ANA SING KURANG MONGGO DITAMBAIH PANJENANGAN PADHA, ANGGER KOBER BISA DADI KAMUS BASA NGAPAK  

a
apen apene
apiapi
ampad
ampang
angot
angob
anggang anggang
aor

b
bothekan
bandrek
blijing
brakot
bengkek
benji
brewes
brojol - pundhak
benang - walang lanang (soklat)
bedhor - walang wadon (hijau)
berek - disembelih
blendok
bekitel
brindhil
babal - welut orang kedimek, kethewel nom
bajang
bandhos
bekasakan
bendho
bedhog
bonto
bedho
bibis
bibis pasir
buli-buli
bendhul
bongkrek
bengkeresen
bangkiyangen
busik
bribik
bungkil
bungkak
bludreg
brecencengan
bijig
blodor
batir
bengor
bandhol
bangka
bolor
blaruk
bonte
bogo
boso
bantat
blombokan
buntet
buntek
bledik
bleduk
bledhug
bledheg
bledhag
banjet
bundhel
bundhelan
buntel
buntelan
brembet
bagol
beweh
banter
benthong
bluntas
buthuk
bothok
brancah
brai
bobor - jangan kethewel
bobor - ora payu
banten - jenis kimpul
banten  - korban nyupang
botoh - bandar
bandaran - dolanan umbul
brambang brojol - bakung
blabag
blabiran
blonyoh
bengkong
benthong
bluntas
bodong
bungkret
bengor
blanthongan
blebed
bombong
bujel
bangkong brudhug
bonggang
boled
busung
berod
bujur



c
ceminguk
clamit
crebek
clebek
clubuk
celilian
canthir
canthor
cekithir
cengkli
clamed-clamed
cimit
comot
cengkeweng
cekhithing
cangkling
clangkrog
clongoban
cemat cemot
climusan
clegowekan
cempulek
cempaluk
cemepret
cebrik
cenganguk
cileren
clekathit
clemer
cluthak
cenggerenggetheng
condhol
cemendhil
cethil
cemlaket
ceg uwi uwi
cikrak
congklak
cemongkak
cimenengan
cireyangan
clurut


d
dhengkil
dromenan
dhangka
di iker iker
dhorang
doran
dhupak
dhengglungan
dhandhang - gagak, pacul lancip pisan
dengkek
dlembong
deres - udan, maca al-qur'an
deres
dlampuan
delepe
dlingo
dudul
dulep
dilat
damprat
dhog
dhog dhog
dhog los
dhongane
dhonge
dlongop
dhekok
dimek
di emek
dikep
dlika
dipan
dablongan
dobol
dikobok
delep
dhongklakan
debir
deles
dhebad
denengen
dhendhek
dumil


e
eber
emprep
embret
embatan
erek
ethek
endhep
ekrel
embane
enggane
engkol
empere
endlap endlap
engkag engkog
endhal endhol
engket engket
emod
emoh
emban
empis empis
enthak enthakan
egleng
elok
emperen
emper2e
embuh
embok
empok
embut2
ewuh
elekbowek
eblek
ebeg
enthis
endhong





f

g
gehtak
glitho
gemrengseng
githir
gathar guthur
genter
gantar
gilig
gejug
gejus mbulus
gronong
gemrapyak
go semba
gobrod
gagal - urek2
gambreng
glegesan
goleng
gondheng
glopot
gobyos
gemagus
gageyan
genthowakan
gentho lodong
grasah grusuh
gemrapyak
gempi
gembus - bukan gedhages
gedhages
gidro
gemlawik
gandhik
gendhel
gimiren
guthing
gipyak
galundheng
gedibagan
genyeh
granting
geyong geyong
gubeg
gubed
gludhug
gledheg
gledhegan
grawilan
gentawil
gentawilan
gesrek
gesrekan
gempur
genjor
gujih
gejrut
gojlog
gamprat
gedhoprok
gedibagan
grago
grontol
growol
granting
ginggang
gople
gobog
gemblung
genthowakan
ganjilan
gejus
gerji
gapit
gapet
gupruk
gripis
grepes
grogas
grujug
gragal
gronong
grumung
garan
gegrek
gigir
geger
gori
godhet
gunggung
geber
geber2
gebleg
gojrod
gemplong
genyeh
gromos
gutuk
gutul
getul
geget
gesek
gorek
gobed
gesrek - lobak digesrek
gesrek - digesrek kuwe digondhet karo bola gelasan
gelasan
gamblong
glenikan
grabyag grubuyug
gotak
gotek
gothot
gethek
genjah
ganjel
ganjil - medi ganjil
gemuk - oli
gedhog
githok
grinjalan
gandhang
gandhek
gawing
giwing
gowok
gentho
gantho



h
hungkuk


i
icing icingen
inel
iguh
idhep
isel isel
ingkling
inggeng
incim
ilag ilag
impleg2
incrit2
ithir2
ikrak





j
jlidhur
jangla
jangga thethek
jlontrot
jladren
jampang pait
jaburan
jalitheng
jugangan
jujugena
jog - tambah banyu, tekan
jogan
jenggelek
jorog
jelag
jebul
jibles
jiplek
jimbreng
jantur
jemper
jedhor
jabrisan
jlegudhag
jungkung
jor
jorna
jere




k
kebluk
karag
kelthak
kombor
kanjat
klenyis
klewus
klembak
kejengkang
klenger
komprang
komprangi
kampleng - bithi
kampleng - dhuwur gering
kepengkok
ketronyogen
kranjapan
keliren
keluron
kenyil kenyil
kenud kenud
keled keled
keplethes
keglintes
kemarangan
kewirangan
kisinan
kerainan
kamigilan
kegawakelu
kamithotholen
kamitenggengen
kamisesegen
karidun
krewes
kekeb
kepanjingan
kepradhah
kepradhak
kemradhak
klomodan
komoh
keminjal
kemproh
kempirkempir
kipatena
kiring
kiring - klapa
kirig kirig
kinel
kenyil
kencot
kruwel - pating
kored
korep
krowak
kendhit
komprang
komprangi
kemplang
kanjat
kapicirit
kablek
kemanigan
kelilipen
keloloden
kesenggrak
kesenggruk
kenyol
kantru
kandhi
kacip
keyangkaban
kempiskempis
krekel
krakal
krosok
kruma
kemudu
kenthes
kemaduan
kelungse
kerinjaman
kerigan
kluban
kambur
kethoprak
kumbul
kedhik






l
larag
libad libed
lethoki
letep
lepatlepot
letek
likur
lombo
lembo
lemed
leklakleklok
lenjeh
lendor
labrag
lulub
loncom
logro
lingsa
landhak
lendheg
lindheg
londhog
lacut
lewer
lemper - suwe ngguli mlaku
limpe
lempes
les lesan


m
manyleng
mente mente
mbaranggawe
mrekengseng
mbanyaki
methingkrang
methentheng
methentheng
methengklis
methingkring
methongsot
metonggo
mrekengseng
methekus
mblubud
mlosdrong
mlusdrung
mbelosondo
mengkirig
merkabak
mekukeng
maido
mbingsrung
methusel
mrebel
mrithut
mbrithut
mlosot
mlorod
menthot menthot
menthala menthili
methokor
muthur muthur
munthuk
meyangga
montleng montleng
malur malur
mranggal
magel
mangler
mengsol
mluntir
mungkek
mutik
muthu
mrutu
murbe
mbrontakena
mangslup
mengkered
menjoto
mindhil mindhil
mener mener
medhor medhor
mbrangas
moroti
mbandreng
merad
methakil
methengsel
mengsol
mlangrod
mblunat
megel megel
mele mele
mbajug
mbejujag
mblobor
mlewed
memet
menggeh menggeh
mlipit
montlop montlop
mengkureb
mbandakalani
mbabag
mbundhet
mblowak
mblondho
mecingkar
mbrecenceng
mblebek
mblubuki
mukek
meler
moler2
muyer
manyer
mbregajul
mbangkat
memper
magel
mbrosot
mulab2
mlencing
mbencilung
mbambung
mbaung
mludhuk
mendelep
meped
mingser
mongah2
mongar2
mbrongos
mbethot
mblasak2
mogol



n
nglabruk
nlithis
nglubruk
nglubrak
nglebek
nglepek
nyocog
nyewir
nyemir
nyetir
nyoplok
njenthir
nyupang
ngorag
ngompres
ngoblok
nglubuk
nglurug
nglepat
ngekes
nembrag
nenjang
njapluk
nyanthikan
ngrewiceh
ngrememeh
nggedibel
nggentomol
njentol
nglading
nglebabur
nglegoso
nglepese
nggedhabrug
njligrang
ngonggor
njanggleng
numbleg
njonte
nyangkreng
nglendhet
ngot ngotan
nylekitho
nylekamin
nyrewoto
ngusel
nggrusel
ngampad
ngrambang
nglembreh
nylembar
nylesep
nylemped
nylandri
nyumed
nyuled
ngglepuk
nggembrot
ngglewar
njlegudhag
njiplong
njengkelit
njeplek
njeplok
njeblag
njelplik
nylomod
nyureng2
njenjet
njembel
njithet
njapluk
nguyang
nggramak
ngeyeg
ndlepus
ngengkel
ndhaut
nylungsumi
nyuntek
nyosrog
nyogrok
ngondlop
ngemplep
nggebrot
ngobor
nggejoh
nggjrot
nggemplong
nggempuleng
ngetepet
ngegleng
ngeciput
nggendring
ngengkreg
nggemblok
njendhol
ngleweng
nggarang
nyarab
njikot
njukut
njimot
njiyot
njumut
njeprah
nyluntrut
nggrabis
nggrasak
nglubrak
ngemprah
ndlepus
nglemprak
nglempuruk
ngangklik angklik
njundhal njundhal
nyeketheng
nylampirena
nyampirena
nyawur
nylemped
nglemped
nletek
ndlodhog
ndledheg
ndlidhig
nglendhot
njeplak
njepat
njepot
njedhod
ndhongklak
ndhegol
ndraeng
njiplong
nyumed
nyuled
nyuwik
nyawuk
nyemplak
nyomot
nyimit
ngemat ematena
nganyag
ngegos
njuleg
njludrah
ndadrah
nglomboni
ngorob orobi
ngobor obori
nginggeng
ngongkog
ngglumer
nggludhag
ngglenggem
ngglosor
ngglebag
nggubeg
nggeblag
ngeblag
nggondheng
ngombor
ngambur
nglabur
nglayab
ndhandheng
nylangkrog
nyluntrut
nyingkab
nyangkem
nyadhong
nyrampang
ngrambang
nggedibag
nggedibel
ngegek
ngegeng
ngagor agori
ngrengek
ngengek
nggamblik
nggblas
nggedros
ngojel
ngebor - curang
njajagi
ndopok
ndikep
ndimek
ndrememel
ndleming
ngromed
ngangkrek
ngobrok
nylimur
nyocot
nyemek2
ngomyang
nggentawil
nggrabis
ngured ured - sepet
njabel
nabel
njempalit
njungkel
ngethithir
ngglenes
nglebabur
nglentab
nyuwek
nedheng2e
ndheprok
ndengkeyeng
ndengkeng
ngendhong - klinthung
ngendhong - bar benyek dari banyune akeh ora mlaku...
ngecombong - ngendhong banyune
ngecebres
ngurab
njagani
njagal
nomboki
nglironi
nyelangi
nggramaki


o
onjo
ongkrog
omprog
omprogan
ompol ompolan
ondelondel
orong-orong - mbelalangan
ojel
onggrongan
okol
ogleg
othel


p
prongkas
paido
prekoto
punel
pethenthotan
penjuron
pemeyan
pugag
plenet
plenet -
plethet
pincet
pencet
pijet
pugal
peges
penges
pondel
pendel
punjul
prei
patromak
pagak
pagas
palang
portas
penekan
pendheken
pethithian
punuk
pethengselan
penimbul
plilis
pithes
prampang
pedog
prumpangi
porotan
penggokan
pakra
persenan
pedupan
pecothot
primpen
punjul
punggel
pancal
patrap
paju - bledheg
panggal
panggal gangsing
panggal gantho
panggalan
peteng ndhedhet
pating kremod
pating cruwit
pating geleleng
pating klepat
pating gluthak
pating sliwer
pating kruyek
pating njerit
pating tebluk
pating criyet
pating krosak
pating glosor
pating cebur
pating klawer
pating projol
pating pentheyot
pating njlegur
pating klabruk
pating kliprik
pating celilian
pating ndlohom
pating petonggo
pating plongo
pating jimprak
pating pendhukul
pating krompyang
pating sruwuk
pating jebodhel
pating kreyip
pating krelip
pating pecucu
pating mbrecenceng
pating gembor
pating klothak
pating kradhak
pating pentiyung
pating jethor
pating njlidhur
pating gedumel
pating clorot
pating blurut
pating njlurut
pating mecingkar
pating klekar
pating krampul
pating kethaprok
pating tletek
pating srenit
pating cenit
pating krewiceh
pating slebar
pating senut
pating greges
pating pleyot
pating glubrag
pating gentaung
pating nggrandhul
pating penjoto
pating gedebug
pating srondhol
pating prucut
pating kringkel
pating kruwel
pating kruget
pating pecicil
pating besengut
pating clongob
pating glewar
pating kerag
pating sranthal
pating kethithir
pating krawed
pating glibed
pating priyek
pating kejet
pating pringis
pating cekikik
pating senggur
pating plekenthos
pating klubrak
pating kethether
pating jempalit
pating genthowak
pating gliyer
pating kremod
pating pencinat
pating gremeng
pating griyul
pating slambrang









q
r

s
saring
sededeg senyet
suthir
slempedan
sedhet
sendhatan
sirgug
semblothongan
simpe
singget
sarab
sekleraban
semromong
semelet
sanggret
slambrang
sodho
sotho
semangkeyan
slmod
suled
sumed
sumeden
slengso
singgem
seser
seset
sogok
suwuk
selen
sleder
serab
sar saran
sor
sogrok
sundep
samber - go ndimek iwak
sumbar
slepen
slerekan
sidhem
suthur
sulur
srimped
srobod
sruput
sripit
slumpring
sedhet
slumbat
sorog
sregep
soten
semega
songkol
srinthil
semrinthil
sanggret
sekel
saipet



t
tundhan belis
tidur
terbang
teplok
thereng
taligoci
tuman
trigan
trebis
tunjel
tumbleg
templek
templok
tenjang
tumbras
tepes
tagon
thekor
teplak
tlimukan
trobos
tlembuk
thethek
thethek bengek
titir
tutur
teter
terong aor

u
undha usuk
udud
unclang
unclang buron
ugel ugel
ubrus
uyeng uyeng
uceng - iwak
uceng - so
uceng - manuk





v
w
wilar wilur
wragad
wenyed
waleh
wirang
warangan
wegig
wareng
werdi
wawuh
wawik
wangkot
wadung
wawar
wewaler
waled
wungkal
wungkuk
wuni
wor
worawaribang
warawiri
walangkopo
wadhang
wadheh
wadi
wadul
wasuh
weweh
wilet



x
y
z

Matur Nuwun, kupat lepet disiram santen, ana lepat nyuwun ngapunten. 

Kelilaann ....

Baca Selengkapnya »

POSTINGAN NGGRESULA ?

SUWE ORA JAMU, JAMU GODHONG LUMBU SUWE RA KETEMU KETEMU PISAN TAMBAH AYU.

Jan angger kemutan jaman gemiyen dhong esih enom - cinthil-chinthil - seneng banget angger tes pisah terus ketemu, khususe angger ketemu karo minimal tagone utawa gacone lah, jan kayane dunya kur dadi duwene wong loroan, liya-liyane padha nyewa utawa indhekos. Ora urus,.... Ya kuwe mau sing diomongena mung tembung-tembung utawa omongan sing nggambarena rasa kangene, suwe ora jamu jamu godhong katu suwe ra ketemu ketemu pisan tambah ayu. Padhahal angger dideleng-deleng ora tambah ayu, yakin, asline tambah tuwa tur lemu. Angger diomong lemu bocah wadon kan ora gelem, mendhingan diomong langsing, tambah ayu, esih keton enom baen, tambah pinter dandan, tambah maju pemikirane lan liya-liyane. Aja ngantek diwalik ngguli ngomong angger nembeke baen ketemu. Angger njenengan ngomong "apa anane" ora nganggo "gombal" biasane bocaeh terus mrengut. Istilahe apa ya angger bocah wadon pancene "born to be gombaled" apa kuwe maksude, lair go digombali jerene....

NGGRESULA ORA ANA GUNANE

Mbeke ketemu eeeh... terus nggresula meng dhewek, males banget kan ? Kayane angger nggresula kuwe diibaratena barang sing abot, angger ana wong sing nggresula meng dhewek kaya "ngebrukena" barang sing abot mau ngantek dhewek menthot-menthot kaboten. Sapa wonge sing seneng kekancan utawa bebatiran karo wong sing seneng nggresula ? Ra nana, angger ana ya termasuk wong "jenis langka" utawa perlu dilindungi sekang kepunahan. Ana koh nggersula sing ulih. Tek tidhokena ya, nggresulaa meng Gusti Allah Ta'alaa, kowe cocog pisan, lewih anteb maning angger nggresulane ngepasi karo sepertelon wengi sing keri. Ya angger dikira-kira jam ya sekitar jam loro utawa jam telu esuk kuwe. Nggresula a sing khusyu', nangis ya ulih tapi aja mbaor-mbaor mbok ana wong sing kaget, ya cukup nangis, nggresula ngantek kamisesegen ya ulih. Biasane sih seurunge nggresula njenengan padha sholat disit, ra ketang telung rekangat, loro sholat tahajjud seblindhi sholat witir, kuwe angger njenengan mandan-mandan kumed ya, angger sing afdol utawa sempurna sih, jumlahe ana 11 rekangat, rong rekangat salam, terakhir ditutup karo witir seblindhi. Angger njenengan senengane "nggresula" sing modhele kaya kuwe, malah dadi luhur drajate ning ngarsaning Allah Ta'alaa lan menungsa, ana tambahane, urusane dadi digampangena krono ijin Allah SWT.

Nggersula ra nana gunane kecuali sing modhel kaya kiye dulur....

 

Baca Selengkapnya »

NGIMPI REGA-REGA PADHA MUDHUN

NGAREP-AREP REGA PADHA MUDHUN

Wong politik pancen langu-langu, ya ora kabeh sih tapi akeh-akehe, sing amanah ya ra kurang-kurang tapi sing langu tur ngawur kayane taker kandi. Enyong angger ngomong ya ora srambah uyah, artine ora kabeh pokitikus kuwe wong sing ora amanah. Tapi ya kuwe mau, rata-rata pancen padha ora amanah, senengane angger agi kampanye ngomong sing ketone gampang, janjen sing muluk-muluk, nyatane… tukang nglombo warasujur. Wong sing bisa dadi politikus sing amanah pancen ya kudu sing sholeh, terus wedi maring Gusti Allah Ta’alaa, tur ngerti ilmu tata Negara karo ilmu syar’i. Lha abot temenan embok ? Nggoleti wong sing kaya kiye kayene di ubek-ubek se pasar paing kayane ya angel ngguli nemu. Ana sing pinter senenge minteri wong linyane, ana sing jujur tapi ora ngerti ilmune, ana sing ngerti ilmune ora kuwat posisi lan dhukungan rayate. Pokoke angger wis nemu wong sing tek sebutena mau, aja ragu-ragu didadekena pimpinan baen, wisp inter, jujur, fathonah – cerdas – tur awake pideksa.

Kuwe rasan-rasan thok dulur

Kasunyatane nang jaman siki taun 2015 (rongewu limolas) kiye, nggoleti pemimpin utawa politikus sing amanah kaya nggoleti dom dondom nang tengahe damen, uangeeel pisan. Udu ora nana wonge tapi sing padha njabat utawa dadi pemimpin lan politikus kuwe udu wong-wong sing amanah, angger anaa ya jan kur sethithik banget paribasane nggolet wulu putih nang wedhus ireng, jarang banget angger wong ngomong jerene MINORITAS. Angger esih minoritas sing Mandan, angger wis langka, utawa malah ra ana babar blas kepriwen ? Ya, angger sampeyan padha rumangsa lan gelem ngrasakena kahanan siki, rega-rega padha mundhak, ditambah maning arep ngadhepi puasa romadhon, ya mesthi kabeh padhad mundhak, kabeh pada mangkring. Sing enyong kadhang gumun ya kuwe, pemerintah koh malah ngundhakena rega bengsin, apa lah ngomonge jerene bantuan (subsidi) sing khusus go bengsin jere dijabud, alias ora nana bantuan maning sekang pemrentah. Lah jan tumrapku subsidi kiye wujud sekang tanggung jawabe pemrentah utawa wujud ngayomi rayate sekang rega pasar global. Lha angger ora nana subsidi berarti angger pasar global rega lenga (bbm = bahan bakar minyak) ne mundhak, gelem ora gelem rega-rega lenga (latung, bengsin, gas elpiji) ya melu mundhak. Jane angger sing mundhak kur lenga thok sih kayawonge ra patia masalah, tapi kaya sing uwis-uwis angger BBM mundhak kabeh rega ya melu-melu munggah, malah ana sing mlumpat utawa ganti rega. Lha pemrentah ketone koh kur nggolet gampange thok, ora gelem aweh pengayoman rega  meng rayate. Utawa rega BBM (latung, bengsin, solar, elpiji) diwekena meng pasar global, basa melayune :harga diserahkan ke (mekanisme) pasar (dunia). Jan kiye kan jor-joran banget, dadi angger sampeyan lan penginyongan padha kepengin rega medhun kayawonge koh tangeh lamon lho. Kejaba pemrentahe Mandan ngerti meng wong-wong cilik kaya penginyongan padha. Jane angger dirungokena guli ngeculena janji dhong kampanye gemiyen ya apik, selalune mehak wong cilik, apa-apa sing penting wong cilik. Lha sing wong cilike wis padha gedhe embok, dadi janji-janji kampanye jelas banget ngguli nglomboni, utawa kur BAB thok. Enyonga sih bisa angger kur BAB thok ra ana buktine babar pisan.

Pinemune men orang kaya kiye terus

Lha wong cilik sing tambah cilik bangkekane – gara-gara mengencangkan ikat pinggang – alias ngirit, kayane pancen kur kon nonton thok, ra bisa ela-elu apa apa, kur go dadi bawang kothong thok. Subsidi sing jere hak utawa bagiane rayat malah dibuwang, jere disaluraken meng liya-liyane, liya-liyane ben ra jelas. Mbok pemrentah padha sadhar kelakuane wis ora amanah. Mbok pemrentah gelem eling, laku sing nasar wis ora jamane maning. Moga-moga ya aja ana ontran-ontran, apa maning sing lewih medeni sekang kuwe. Tapi kabeh mau kur sederma ngimpi, ngimpi kan ora dilarang embok ?

Cathetan :

Pahlawan sing padha wis suwarga (seda/nilar dunya) wis ora mungkin arep aweh Negara kiye meng wong-wong sing ora amanah. Lan sampeyan, inyong padha ngemben nang akherat bisa nggugat karo tingkah polaeh wong sing dadi pimpinan tapi ora amanah.

Baca Selengkapnya »

SALANG KARO EMBATAN

SUWE BANGET ORA KRUNGU SALANG KARO EMBATAN

Pancen bener salang karo embatan kuwe jodho, embatan thok ora nana salange ya ora bisa go mikul, salang thok ora nana embatane ya ora bisa go mikul kandhi utawa gejobong ngarep mburi. Tapi paling sering gemiyen aku mikul klapa sing wis dislumbat karo salang mbatan, krasa entul-entul embatane angger ngguli nggawa akeh utawa abot. Salang mbatan mulaih wis jarang dienggo mbareng wis ana grobag. Ya bocah siki ya wis langka sing bisa mikul, pundhake padha mlothas, utawa gejenthit jere. Jane ya ora kaya kuwe, wong siki wis ora patia perlu salang karo mbatan sih, grobag, motor, utawa motor rodha telu sing kaya odhong-odhong lewih mantep lan akeh, entheng go nggawani barang-barang, termasuk klapa. Nasib salang mbatan kur bisa go nggawa sing dalane manjat temurun ora karuhan, angger sing rata, wong lewih milih motor, grobag utawa odhong-odhong kae.

JAMAN WIS MAJU, PADHA KELALEN MENG  SEJARAH LAN BUDHAYA

Tau numpak wluku utawa grobag sapi ? wis ora nana blas aku dhewek ya urung tau numpak grobag sapi, tapi angger numpak dhokar ya wis tau, siki dhokar ya wis langka, angger bojoku malah wedi angger numpak dhokar, sebab sebenere wedi meng jaran. Sing mluku diganti karo traktor, sing dhokar diganti karo odhong-odhong utawa trek (prekoto), pit diganti keblek (montor/hondha/sepeda motor), angger salang mbatan urung ana gantine, paling salange diganti tali rapiah, utawa tambang senar, nilon lan tambang plastik tlawungan. Gotong royong wis langka banget, aja maning gotong royong kesambat (ndandani umah), kerigan baen wis padha males, lha wong wis padha sibuk dhewek-dhewek, tapi angger tek pet kang kedadeyan mau, jane pengaruh budhaya sing elek wis ngrusak utawa mlebu meng desa, budhaya luar negeri sing ora kanggo nggawe malah dadi kebiasaan wong nang ndesa sikine. Padhahal budhayane dhewek lewih apik lan manfaat dibandhingena karo budhaya luar sing ora karuhan. Wong jonjangan wis ora nana, wong gathengan wis ora nana, wong thithik glathik wis ora nana, wong panggalan wis jarang, wong sing padha gobag slodor wis ora nana, nembang topeng waru ya wis langka, nembang dolanan wis ora nana. Budhaya ilang peradhaban bakal ilang, terus dadi wong ngendi ? Wong sing ora nana kejelasane.

Baca Selengkapnya »