ASAL USUL JENENGAN DESA BANGSA

JENENGAN BANGSA KUWE JERENE KANG KEDADIAN GEMIYEN

Miturut sejarah lan critane wong atuwaku gemiyen, jere desa bangsa kiye udu desa sing baen-baen. Urung ana sing ngerti sapa sing njenengi koh dadine desa bangsa. Pancen ora nana tapak tilase seurunge dijenengi desa bangsa kuwe jenengane desa embuh apa. Ya mbesuk-mbesuk insya allah arep tek goleti - cara basa melayune diinvestigasi - jane jenengane desaku kiye apa seurunge desa bangsa.

PERANG SULTAN AGUNG HANYOKRO KUSUMO

Di critakena Pangeran Mas Rangsang munggah jumeneng dadi raja mataram. Terus pas jaman kuwe wilayah kekuasaane pancen amba jembar banget kang wetan gutul ngulon. Nah, jerene termasuk Batavia - angger sikine jakarta - termasuk esih dadi wilayahe Negara mataram, lan panglimane salah sijine yakuwe Fathaillah - wong portugal ngarani Faletehan - VOC (serikat dagang landa tlatah India Selatan) cluthak ngukuhi Batavia. Pancen VOC/Landa pancen bangsa utawa negara sing demen njajah terutama wong Nusantara, termasuk ngrebut batavia sekang kesultanan mataram. Tahun 1627 M, sultan Agung Hanyokrokusumo ngirim pasukan sekang dalan pantura - jalur elor - pertempuran sing sengit ya kedadeyan, ya lewih rame kang tawurane bocah-bocah SMA nang Njakarta siki, lha nganggo bedhil lan meriem mbarangan sih. Tapi pancen kekuwatane VOC lumayan banget, serangan pertama liwat jalur elor, ora kasil. Terus ana crita sing ana sambungane karo desaku dhewek yakuwe desa bangsa. Sebagian prajurit mataram bar nyerang batavia tur ora kasil ana sing bali metuk jalur elor maning lan ana uga sing liwat jalur kidul - jalur pantai selatan ya salah sijine ngliwati desaku kiye. Tahun 1628 M bar krungu serangan sepisanan ora kasil Sultan agung ngirim pasukan maning tapi siki ora liwat jalur elor, tapi liwat jalur kidul, pantai selatan.

DESA BANGSA, KANG TEMBUNG BANGSANE DHEWEK

Dicritakena prajurit sing bali kang arena pertempuran tur kalah ya ngguli bali karo semu isin tur gampang tersinggung - ya  kalah ya mandan isin mbokan - nang pihak sijine prajurit sing nembe mangkat meng Batavia ya padha baen semangat tinggi go mbales kekalahane batir-batire sing dikirim liwat pantai elor. Ya padha baen gampang tersinggungan tur dendam membara lah critane. Pas jaman gemiyen kan ora bisa cepet kaya siki, angger mlaku kang batavia meng njogja ya ora bisa sedina sewengi, ditambah maning kan ibarate kaya buronan perang, orang bisa mlaku sembarangan ya mesthine memba-memba dadi wong biasa - udu prajurit -ethok-ethoke dadi wong sing agi ngembara arep balik meng jawa. Angger jaman siki sih kur 15 menitan kang bandar sukarno hata tekan adi sucipto, angger numpak sumber alam ya sekitar 12 jam an. Tapi tahun 1927-1928 ya ora kaya siki kahanane. Go nyingget crita lan go medhot malur-malure tembung. Prajurit sing kalah perang ketemu karo prajurit sing nembe mangkat kang Njogja. Ketemu thuk bathuk, padha-padha curiga. Lan salah sangka. Sing nembe mangkat ya ora ngerti lamona kuwe prajurit mataram, lha kan agi nylamur dadi wong biasa, sing bali perang ya ora nyangka angger sultan ngirim pasukan liwat dalan kidul, lha wong gemiyen para prajurit dikirim liwat jalur elor kan,..... sebab gemiyen pancen urung ana hp babar pisan sih dadi sultan ora sempat SMS meng prajurit sing kalah lamon kanjeng sultan ngirim pasukan maning sekang jalur kidul. Sandine ya mesthi beda antara pasukan sing dikirim liwat jalur lor dan liwat jalur kidul. Enyong ora ngerti crita sing valid,  kepriwe koh nganti padha sulaya tiwas nganti akeh raja pati. Lha wong prajurit kan jelas pada prigel ngguli nganggo pedhang, tumbak lan pinter olah kanuragane. Ya akeh banget korban merga kang salah paham, sepisan maning aku ya ora ngerti kepriwen koh para prajurit bisa nengeri lamon sing padha perang kuwe balane dhewek. Ya mungkin kang kedadiyane kayane wengi. Ora patia jelas sandhangan utawa seragame prajurit sing nembe mangkat. Sing jelas sandine beda, terus padha-padha gampang tersinggung. Sing siji dendam meng VOC sing siji wirang tur dendam meng VOC. Ya uwis kedadeyan lah perang karo BANGSANE dhewek. Akhire perang pancen mandheg aku ya ora ngerti sebabe apa. Tapi angger dipikir kayane prajurit sing nylamur kuwe sing nengeri angger kuwe prajurit mataram, mungkin peperangane tekan awan, lha nembe jelas gelut karo sapa. ee Jebule padha-padha prajurit mataram. Korbane akeh banget mulane ana sing dikubur bareng-bareng nang STANA DAWA. Angger siki anane nang sandhinge Manten kayim Saeri, gonggomane Pak Kalil, sing ana kuburuan Panembahan Kamal. Dadi prajurit mataram njenengi nggon sing go perang karo BANGSANE dhewek kuwe di jenengi BANGSA. Kiye aku dicritani nang wong tuwaku. Tapi ya ana versi liyane bisa baen lan kevalidan - keabsahan - kang critane wong tuwaku ya urung kinaruhan bener. Tapi angger dipet kang sejarah lan bukti sing ana (penyerangan sultan agung liwat rong jalur (lor lan kidul) tahun 1627 liwat lor, 1628 liwat desaku, terus ana kuburan SETANA DAWA (kuburan panjang)) aku yakin kiye crita ora baen-baen. Alias bener. Tapi arep bener utawa ora ya sing penting bisa dipet apike kang riwayat utawa legenda desa bangsa mau. Geografis utawa letak desa bangsa kuwe lumayan strategis. Dari arah Kota Sidamulya (prapatan buntu) kearah barat sekitar 3 KM terletak disebelah utara (kanan jalan trans jawa jalur selatan), dari arah kota sampang sekitar 6 Km, dibatasi di timur desa adisana, dibarat desa Karang sari, sebelah selatan Jalan trans jawa jalur selatan, disebelah utara adalah pegunungan Depok (krumput), mengalir sungai Gendhu Minyak, di RT 06/01, terjadi penggabungan sungai (kali cawang) yang satu berasal dari daerah Sigupit dan yang satu lagi berasal dari daerah karang sari perbatasan bangsa/kuburan kubang. Kali gendhu minyak ini bermuara di Rawa Kembang, Bander masuk wilayah Mujur Kroya. Boleh anda membuka di wiki pedia tentang desa bangsa ini.

Dulur angger go promosi utawa go men padha ngerti ya karo basa melayu ora papa mbok ?

Matur nuwun

NB:
Salam kanggo lurah/kades bangsa pak Turahman, pesene kula. Pak Turahman nyuwun tulung lah karang taruna desa Bangsa mbok nggih di AKTIF aken. Ampun kados seniki. Teras malih niku sinten kemawon ingkang MORTAS kali gendhu miyak inggih dijerat PIDANA MAWON, teras ingkang sami nyetrum welut /ulam teng wilayah Mbangsa nggih kedah dijerat PIDANA. Wantun nopo mboten pak, insya Allah rakyat ngiloni njenengan. Matur nuwun.

Baca Selengkapnya »

GILI PALWOLU ASPALE ORA TUTUG

NANG SANDHING NGGILI KOH MALAH ORA DIASPAL

Mandan ngguyu enyong angger pas bali meng nggone mertuwaku - aku wis nang pondhok mertuwa indah wis suwe banget 12 tahun - giline angger nembe gejrut kang bis terus mlaku nang ngarep selipane pak Pur (putrane pak Amali Alm),....jan aku kan biasane mlaku tekan brug kali rigasi,....kiye deneng urung diaspal-aspal apa ora ulih diaspal nang wong sekitare apa kepriwe..... angger dipet sekang nggone utawa posisine kiye gili sing malah perek karo gili gedhe (jalur kidul trans jawa), mujur ngalor sekitar 200 meteran utawa 300 meteran lah, mbanjur aku takon meng wong-wong kono,....kepriwe koh bisa keton nyleneh kaya kuwe, wagu tur ora patut. Ana sing aweh kabar jere dalam sing tek maksud kuwe dalane desa Adisana. Hmm.... ya pantes ya pantes,.... melasi temen dalan kiye ya kapiran. Nang desaku (desa Bangsa, grumbul Palwolu) ora diurusi mergane udu hake desa Bangsa, ngrumati utawa ngaspal gili kiye. Lha nang Desa Adisana ya semana uga, ora diurusi arep diaspal lha sing latha-lithi metuk kono ya wong mBangsa ben,.... lah kepenake keprimen kiye ? Jane angger pancen ana maksud sing becik khususe kang pemerintahan desa Bangsa yang mesthine bisa dirempug karo aparat utawa pamong lan pengurus desa Adisana. Kadar ora dijaluk ikih, kur dirumati lan diaspal jalaran anu dalan sing penting go wong bangsa - palwolu, pesantren, karang benda, malah kolemane pak lurah sing siki - angger ana rembug sing bener aku yakin gologokin dalan kiye bisa diaspal. Ya bener wilayahe pancen wilayah Adisana tapi kan sing ngganggo (liwat wara wiri latha lithi ngalor ngidul) kan wonge dhewek (maksude enyong wong mBangsa). Kan bisa dadi pertakonan apa iya arep gawe becik ora ulih ? utawa ora nana dana kang nduwur ? Alasan kuna lereng.... biasane alasan kang sing tukang korup, clemer lan seneng open meng barange utawa duweke liya. Bisa baen enyong ngomong kuwe alasan go korupsi, lha aspal go jarak seno kan lumangyan (300 meter ping..... kan mandan menthot-menthot angger duwite ditukar karo mang ewuan, terus diwadhaih kandhi....). Tapi angger sebenere enyong ya ra patia jelas. Tapi bisa baen angen-angenku sing kae mau.

PINEMU

Aku krungu kang salah sijine pamong desa mBangsa jere dalan kae arep di aspal, tapi kang kecamatan, jerene numpak utawa numpang anget meng parte politik sing jenengane aku arep ora nyebutena (lha nembe angen-angen urung ana nyatane babar pisan ana kemungkinan kur dari BAB thok...), tapi moga-moga ya bisa keleksanan. Angger tumrape enyong sih, lurah Mbangsa sing kudu duwe iguh pertikel utawa inel go ngakali masalah sing jane ora patia rumit kiye,.... kepriwe carane ngguli padha rembugan karo pamong lan lurah Adisana, terus masalah dana ya njaluk meng ndhuwur kadar wis padha ngerti ikih kahanane, njaluk dana ne engko angger wis ana mupakat kang desa keloron, angger urung ya aja njaluk duwit disit, ora bisa kompak engkone. Wis mupakat mesthine kang ndhuwur ya takon apa bener Adisana kepengin ngaspal dalane sing kebeneran ana nang desa Bangsa. Mesthine desa Bangsa ya ngiloni desa Adisana ngiyakena,... terus mungkin dana angger sing ngajukena Adisana ya medhune nang Adisana, angger kepengin men ana dana sing medhun nang Bangsa ya kudune desa Bangsa sing ngajukena meng ndhuwur karo mupakat kang desa Adisana - angger arep ana dhuwit proyek biasane padha rebutan, biasa korup@korupsi.co.id- angger dhuwit cair dikerjakena ya barengan antarane rong desa mau. Kuwe pinemuku, angger ora ana jige ya ora tau ana aspal nang dalan sing sering tek liwati kiya. Ya wis nasibe embok, kapiran koh puluhan taun. 

Cukup semene thok kiya kur kritik go desaku lan desa tanggaku, masalah seblindhi tur cilik menthik koh ora rampung-rampung. Go erang-erang baen ya, sing liwat ya ora kur wong mBangsa thok lho,.... mulai pak Nano, Mbah Kasong (mba Maryati), pak Sarikun,... kayane ya wong Adisana, dadi angger panjenengane arep padha tindak ya ora muter ngetan disit metuk dheg kali rigasi nembe meng ngidul nang jengkol kerep terus jebule nang Tumang Asih,.... urung tau weruh enyong dhewek yakin....

Tapi pinemu lan saran kuwe kadhang-kadhang nggawe ati gela, tapi jan ora nana maksud sing ora becik kang awaku dhewek, angger dalane alus mesthine go usaha ya lewih kebat embok ?

Kelilan disit ah...

Baca Selengkapnya »

URUN REMBUG MUMPUNG WIS WULAN RAJAB

URIP NANG ALAM NDUNYA KETONE JAN SEDELA BANGET 
Jajal panjenengan emut-emut dhong esih sekolah esde gemiyen, krasane esih kemutan genah banget, bali sekolah nggawa urek-urek go nggolet welut nang sawah, bar ngarah welut dadi baline kawanen, dadi goletan rama biyunge,…. lan liya-liyane, ketone “nembe wingi”,… ujug-ujug wis selawe taun kepungkur. Pancen urip nang alam dunya kuwe ora lawas, buktine ya awake dhewek padha. Terus kapan panjenengan padha guli nikah ? Ketone nembe wingi sore taribasane,…. E alah….. anake wis padha gedhe-tuwa, malah angger sing wis padha kagungan putu/wayah lan buyut, krasane dhewek ya esih padha kaya wingi. Sepisan maning monggo panjenengan padha ngilo nang ngarep kaca, terus dibandhingena karo gambar poto dhong njenengan umur 17 tahun, akeh perubahane mbok ? Tapia pa njenengan krasane padha baen ? Ya angger secara kenyataan pancen NYAWA/RUH kuwe pancen ajeg kawit dhewek cilik tekan kaki-kaki, jasad/jisime dhewek pada tambah tuwa, rema tambah pethak, waja ilang siji-siji, mlampah sing maune trengginas siki dhindhek-dhindhek, sing maune bregas siki dheyek-dheyek, soca sing maune awas seksama lha sikine mandan lamur, kudu nganggo kaca sambung, nanging krasa utawa jiwa pancen esih sing gemiyen. Aku ya esih sing gemiyen.

WEKTU KUDU DI GUNAKENA SING TEPAT 
 Gusti Allah Swt paring wektu meng penjenengan lang kula sami, kuwe ora ateges GRATIS, ana tugas sing panjenengan lan kula kudu lakoni. Angger tugase nang mbumi/alam dunya wis rampung ya “dipundhut” nang Ngarsane Gusti Allah Swt utawa seda. Nah sing dadi pertakonan kan apa dhewek padha SUKSES nglakoni tugas-tugas sing di prentahaken nang Gusti Allah Swt ? Angger panjenengan wong Islam ya tugase wis jelas, angger non-Islam ya kudu sesuai karo ageman lan agamane dhewek-dhewek. Sing ngerti banget tugase wis dilkoni apa urung ya mung dhiri pribadhi ne dhewek-dhewek. Sebab sing aweh tugas wis genah ana pitudhuh lan dalan-dalan sing ditentokena, arep melu dalan-dalan utawa nyimpang ya sing nglakoni sing lewih ngerti. Wektu kadang pancen ora dianggep penting, lha gratis ikih,….. salah sedulur, wektu ora gratis, wektu ana pertanggung jawabane,….. sapa sing bisa mergunakena wektu karo apik mesthi uripe mulya dunya lan akhirate, lan sapa sing ngawur mergunakena wektu ya cilaka,…..

DHEWEK KABEH SEDULUR 
Bab ibadhah kuwe urusane agamane dhewek-dhewek. Tapi angger masalah peseduluran kuwe kudu sing apik-apikan aten baen. Sedulur sing tek sebutna kuwe ya ana paling sendhik kuwe telu. 1. Dulur Sepadha-Padha menungsa – ukhuwwah insaniyyah 2. Dulur senegara – Indonesia – ukuwwah wathoniyyah 3. Dulur seagama anggere wong Islam kaya enyong dhewek - ukuwwah islamiyyah Dadi ora bener angger padha crah,… jerene crah agawe bubrah. Ora susah mbahas sing beda, sebab wong pancen ora nana sing padha plek,….. kabeh ana bedane, tambah dideleng bedane tambah adoh persatuane, deleng sing memper baen, sing mirip baen, aja drengki wong urip tunggal sebumi,…kaya kuwe mbok. Dadi aja di direkena masalah gelutan – tawur – karo padha-padha dulur – ya paling kurang padha-padha menungsane embok ? Apa maning ditambah dulur seiman, dulur sedesa, dulur sekecamatan, malah ana sing tunggal buyut be padha brecencengan,…. Poma-di poma aja dulur. Lewih apik padha rukun, guyup apa-apa kepenak tur jembar bumine, lha angger akeh mungsuh apa ya bumine amba ? Ora mbok, meng ngalor ana mungsuh, mengidul anda lawan, meng ngulon ana sing ngincim meng ngetan sing wingi tawuran ? Sesek embok bumine angger akeh mungsuh ? Sewalike angger akeh batir,…. Jan nyawerga temenan. Ngetan disuguhi jenang ketan karo wedang kopi, ngulon kon mangan nasi rawon, ngidul kon mangan bubur, ngalor diboncengena montor,… wis kepenak embok angger akeh batir lan kancar, dunyane amba….. angger sing milih senenge “mageri dalane dhewek” ya nganah sing sregep nggolet mungsuh. Angger sing penggin akeh dulure yang sing sregep silaturahmi – nyambung peseduluran

RAJAB MANING SADRAN NYUSUL TERUS SIAM ROMADHON 
Tumrap aku sing muslim, wulan rajab kuwe salah sijine wulan sing mulya,….. ana papat wulan sing mulya tumrap wong muslim, siji apit (zulqai’dah), loro besar (zulhijjah) , telu sura (muharram) lan papat rajab. Nah wulan sing wis agi dilakoni ya rajab kiye dulur, akeh-akehena istighfar, siam lan amal sholeh liyane. Rajab wulane Gusti Allah Swt, Sadran wulan Kanjeng Nabi Muhammad Saw lan Ramadhan wulane ummate Nabi Saw. Dadi ya siap-siap baen ibadahe panjenengan di tambah gentur….. tumrap wong non muslim ya kudu hormat menghormati, tegese udu padha melu ibadhah gentenan, udu sedulur,…. Ibadhah dhewek-dhewek tapi angger “bermasyarakat” tetep kompak. Mesthine ya aja pada crah, congrkrah lan cakar-cakaran. Sing apik ya kudu gotong royong nang hal kemasyarakatan lan urip saben ndinane. Kesuwun.

Baca Selengkapnya »

ANGGER WIS ORA BISA YA MUNDUR

GAMPANG-GAMPANG ANGEL DADI KAMITUWA
Jane angger dipet kang sejarah ya ana baen wong Indonesia sing pancen bener-bener ngemban amanah. Meng rakyat ngewulani lan meng tugas nyembadani. Angger siki jan adoh banget karo sing diarani amanah. Diwei tugas lan jabatan (pegaweyan) malah anane mung ngakali thok. Sing diakali apa jane ? Ya kuwe mau, angger tek sebutna kayane ya kurang lewih kaya kiye:
1. Wektu ngakali men wektu duwe jabatan dadi selawas-lawase utawa seumur uripe, angger ana UU sing nglarang seumur urip ya mesthi nyalon maning sing kepindho.... mangguwa ana sing ke telu mesthi nyalon maning, jan serakah koh ora cukup-cukup.
2. Nepotisme angger bisa sing nyekel kekuwasaane ya aja nang wong liya. Kudu dulur utawa keturunanne.
3. Korupsi lan kolusi ditutup-tutupi ngakali karo apa lah pajeg, urunan lan liya-liyane kas negara mlebu sakke dhewek. Rekening tabungan bank nge ya dadi gembrot,.... jerene ulih ngguli usaha. Ya bener usaha nglomboni rakyat, khianat meng amanah sing di pikul.

ANGGER ORA SANGGUP YA MUNDUR LAH
Wong sing satriya angger ora bisa ya ngomong lan ngaku ora bisa aja lewer kaya jago wareng gelut wis ketone arep kalah mlincur mlayu angger batire agi weya ditlabung. Ora wani ngakoni kekurangane dhewek ora wani angger kon mundur jere wirang. Jan-jane apike ya mundur angger wis krasa lan pancen kebukti ora bisa. Angger jiwa sinatriya mesthine ya mundur aja maju terus ngiwung.

SEWU SIJI PEMIMPIN SING AMANAH LAN SEMBADA
Angger dadi kamituwa pancen kudu kuwat ilmu lan kuwat awake. Angger nang Indonesia langka banget sing kaya kuwe, kuwat awake ora kuwat ilmu lan akhlake, kuwat ilmu lan akhlake ora kuwat awake. Kuwat ilmu lan awake ora apik akhlake. Kapan duwe pemimpin sing bisa di jigena nang ngarep ?
Ayuh dulur pada ndonga men diwei pemimpin sing bener-bener amanah. Amin

Baca Selengkapnya »

DOYAN OYEK

JAMAN GEMIYEN WONG PADHA DOYAN OYEK
Jaman nyong esih cilik taun 80 an, oyek kuwe angger esuk-esuk ngger arep mangkat sekolah biasane go sarapan bocah-bocah, ngger ramane arep meng kebon utawa sawah ya cokan sarapan oyek. Apa sih oyek kuwe ? Oyek jane ya panganan sing sikine bocah-bocah wis ora padha doyan, malah ana sing ora ngerti apa kuwe oyek. Oyek digawe sekang budi/lobak/puung/boled sing diioceti disit, dikum ngantek seminggu, terus dipe men garing, terus didang nang kusan, angger wis mateng bakal oyek terus dibebek ngantek balung budin/boled/lobakke pada ilang, terus diinteri karo tampah men pating prekincil, terus angger wis mandan akeh dipe sepisan maning. Nah oyek wis dadi. Angger dipe wis garing oyek bisa digoreng, didang utawa go empan bebek lan ayam, tapi poma di poma angger makani ayam utawa bebek disiram banyu sethithik mbokan melar nang telih ayam/bebek angger diempani garingan. Tapi angger nyong dhewek jan esih doyan lho oyek.

GIZI ORA SEPIRAA KUR GO GANJEL WETENG
Angger nyong sih urung tau nliti apa gizi oyek akeh apa ora, tapi angger tumrapku jaman gemiyen wong mangan oyek penyakite ora werna-werna kaya siki, ra nana struk, darah tinggi, liper, jantung utawa kangker, tapi mbareng padha mangan panganan luwar sing jerene "bergengsi" penyakit koh dadi akeh temen ya, oyek sih kayane gizine ora akeh tapi ora mbandakalani kaya panganan luwar sing jerene bergengsi mau, tur ora nana zat pengawete, ora nana bahan kimia sing mbilaeni lah.

JUJUR BAEN AKU LEWIH CINTA OYEK DIBANDHINGENA PANGANAN LUWAR NEGERI
Akeh sing keliru menawa panganan cepat saji sing asale kang luwar negeri kuwe jerene bergengsi, tapi dulur ora ngerti kan isi jeroane mbok ? ya jelas baenlah wong panganan luwar mau nganggo resep bumbune baen rahasia. Sing jeneng rahasia kuwe embok wadi ora nana sing diwei ngerti, kejaba wong sing duwe wadi mau. Nah sapa ngerti rahasiane kae resep sing nggawa penyakit, zat pengawet, lan liya-liyane, aja banget-banget ngguli percaya meng tembung "bergengsi" gensi apane angger akeh nggawa bilai. Gengsi apa NGEGENG ORA ISI mbok ? Ya sing dhemen lan klangenan karo makanan siap saji ya aja kakehen lah, sepisan-pisan ya olih, tapi aja duwe pinemu angger panganan kang luar negri mau mesthi mantep, bergizi tur bergengsi, aja yakin....dulurku kabeh tahu krungu ora jerene makan cepat saji bahasa inggrise fast food utawa apa ? ya bener Junk Food artine padha karo makanan sampah. Lha sing ngarani junk food baen wong luwar negeri koh malah nang Mbanyumas lan seubenge diarani panganan bergengsi. Ya angger wis ngerti ya ora usah getun wis tau mangan, angger arep mangan oyek ya esih akeh nang pasar Kroya utawa pasar Sumpiuh, dijamin bebas junk food, tapi aja dipangan garingan mbok melar,...sethithik baen go nostalgia jaman gemiyen. Intine jane kur kon ngati-ati, ora nana larangan sedawane panganan kuwe halal - go muslim kaya enyong lho - tapi angger keladuk - berlebihan - ya jelas oranana kebecikane babar blas. Kabeh-kabeh sing berlebihan mesthine ya ora becik. Angger sing ora doyan oyek ya ra papa, angger sing klangenan panganan luwar negeri ya ra papa. lambang sari kenyol dulur,....ya mbok. nggolet pangan dhewek-dhewek,...

Baca Selengkapnya »

Greycamel Di Delete Google

ANU MBUH KEPRIWE
Dhog-dhog blog sing paling disit ngguli gawe di busek nang mbah Google, ora ana alasan sing jelas, lha sebab jere ket tahun 2007 ora tau LOGIN (mlebu) padhahal jan aku mangslup metu meng Greycamel.blogspot.com tur akeh link-link sing mandan penting. Pancen angger gratisan ya ora bisa ngomong apa-apa maning. Dibusek ya ngonoh di ulur wektune ya ngonoh... kur pasrah thok, lha wis nunut ngantek patang taun nang situs blogger.com ya wis ketrima lah.

TAPI ESIH DUWE SITUS LIYANE
Angger mbah google mbusek situs sing siji ya aku gawe situs liyane maning lah, kadar data bisa digawe karo sing liya-liyane ikih,.... sing penting situs wong tanu patra kiye ora dibusek.

AREP GANTI JENENG MANING
Situse wong Mbangsa Kebasen baen lah men mandan genah nang mesin Google search engine, basa apa kuwe,...hmmm sing penting bisa urip nang dunia maya, ya ora ketang urip-uripan,,,,

AJA WEYA MARING MBAH GOOGLE
Kadang mbah google kuwe aneh, angger situs sing potensi utawa sing mencurigai mesthi dibusek, padhahal situsku jan ora ana isi sing medeni koh,... apa rika padha gawe situs/blog sing mandan serem,..... tur nunut meng mbah google, mesthi langsung DIBUSEK, kejaba situse njenengan udu situs sing mbahas negara, mbahas islam lan liya-liyane pokoke sing aja mbahas SARA. Tapi angger situsku dibusek nang google maning ya emen lah. Gawe karo sing mandan gratis domain lan hostinge....
Keanehane situs greycamel.blogspot.com, dibusek ora nganggo perengetan disit, ana kesalahan apa, utawa ana isi sing dilarang, jan embuh kepriwen kuwe, tapi ya wis lah... poran-porannya.

Baca Selengkapnya »

BAL BALAN

Mage sedulur "ganyang malesia", kaya jamane sukarno, tahun 1965.
Ana sing menarik,...
Ganyang malesia sing gawa gagasan Bung Karno
Lha apa kudu malesia diganyang tanggal 29 desember 2010 nang gelora Bung karno ?
Ya ganyang malesia karo bal-balan sing maen, udu gelut apa maning perang,...ganyang malesia karo gul-gul sing maen tur cantik....

Mage sedulur dukung tim Garuda sing jan agi mandan ngetonaken cakar lan kepakan cewiwine, dikalahena kabeh musuh-musuh tim garuda, cara indonesiane "kemenangan sempurna" kang kabeh pertandingan tim garuda ora tau kalah.

Wis kebanjur mlebu final ya aja tanggung-tanggung, juara sisan mbok ?
Ganyang malesia karo gul-gul sing "moblong-moblong"....

Ole..ole...ole
Sekarang saatnya ganyang malesia
ole..ole..ole..

Baca Selengkapnya »